CHADEMA UKONGA YATUMA SALAMU ZA SHUKURANI KWA NDG. MAXMILLIAN KATTIKIRO

Chama cha Demokrasia na Maendeleo – Jimbo la Ukonga kimetuma salamu za shukurani kwa ndg. Maxmillian Kattikiro (Pichani) kwa kusaidia kukitangaza, kuchangia na kushiriki katika harakati mbalimbali za chama ngazi ya Jimbo. 

Akizungumza wakati wa kumkabidhi Ndg. Maxmillian Kattikiro barua yake ya shukurani Ndg. Mwaipopo katibu wa Jimbo amesema, “Kwa furaha kubwa tunakushukuru kwa jitihada binafsi unaziozifanya katika kusaidia chama kwa kutingaza na kukisaidia ngazi ya Jimbo, hatuna cha kukulipa ila tunatumaini Mungu atakulipa kwa jitihada zako za kukisaidia chama. Wewe ni miongoni mwa watu wachache ambao hujitoa na wenye utayari wakati wowote tuombapo msaada kama chama, hivyo Mwenyezi  Mungu akuzidishie kwa hayo yote”. 

Naye Ndg. Kattikiro alisema, “naamini ni wajibu wangu kukisaidia Chama kwa hali na mali, kwani ninaamini kuwa haya yote ambayo chama kinayafanya au kushughulika nayo ni kwa ajili ya Ukombozi wa wananchi wanyonge na ndiyo maana sioni tatizo kusaidia kadri Mungu anavyonijaalia”. 

Katibu wa jimbo akiwa na mwenyekiti wa vijana wa Chadema ngazi ya jimbo Ndg. Fredrick Kabati, kwa pamoja walimshukuru sana Ndg.Katikiro, huku wakisisitiza kuwa, mchango wake ni wa thamani kubwa kwa ukombozi wa Taifa hili, hivyo walimsii asisite kuendelea kuwasaidi katika Nyanja mbalimbali ambazo zitahitaji msaada wake, hususani katika kipindi hiki ambacho chama kinajiandaa na uchaguzi Mkuu wa mwaka 2015.    

Shukurani hizi zilitolewa pale ambapo Ndg. Kattikiro alichangia kiasi cha Tshs. 21,000/= katika maandalizi ya kumkaribisha Katibu Mkuu wa CHADEMA Mhe. Dr. Slaa katika jimbo hilo alipotembelea hivi karibuni (23/06/2012) ili kuongea na watendaji wakuu wa Jimbo.   

Kwa Taarifa zaidi Bofya Hapa!!!..