MAAFISA TANZANIA WAWATIA MBARONI WATU 9 KWA UJAMBAZI

Polisi ya Tanzania imewakamata majambazi tisa na kukamata silaha katika operesheni hiyo katika maeneo ya Pwani na Dar es Salaam. 

Polisi ilikamata silaha saba na risasi 75 kutoka kwa washukiwa, kwa mujibu wa kamanda wa Kanda Maalumu ya Polisi Dar es Salaam Suleiman Kova.

Alisema kuwa Waburundi wanne, wakiwa na wenzao wenyeji, walikamatwa mjini Dar es Salaam wakiwa wanamiliki kompyuta tano za mkononi, dola 1,900 (shilingi milioni 3) na shilingi 70,000 (dola 44) taslimu, pamoja na fedha za Kenya, Rwanda na Burundi. 

Kova alisema kuwa polisi iliwagundua washukiwa hao wa ujambazi baada ya wenyeji kutoa taarifa kwa polisi. 

"Katika tukio jengine, tuliwatia mbaroni wezi wanne huko Ikwiriri katika eneo la Pwani," Kova alisema. Walikuwa wamebeba bunduki ya rashasha na risasi 11, redio za mawasiliano ya njia mbili na vifaa vyengine vya kutiliwa shaka, alisema.