MKUU WA MILA AMPA BARAKA MGOMBEA CHADEMA CHALINZE!

WAKATI kampeni za uchaguzi mdogo Chalinze zikikaribia ukingoni kwa wapiga kura kumchagua mbunge wao siku ya Jumapili ijayo, Mkuu wa Mila wa jamii ya Wamasai wa Tanga, Morogoro na Pwani, Chifu Tiku Moreto, amempa baraka za ushindi mgombea wa CHADEMA, Mathayo Torongey, akimtaka atimize wajibu wake kwa kutenda haki kwa wote.

Katika tendo hilo lililofanyika juzi asubuhi, kwa faragha katika makazi ya kiongozi huyo wa kijadi, maeneo ya Kibaha Vijijini, kijijini Gumba, Chifu Moreto, alimfanyia dua ya kimila, kisha kumtakia kila la heri mgombea huyo, ambapo alimpatia kitu mfano wa kalamu kama ishara ya uongozi unaosimamia haki.

Kabla ya tendo hilo la kimila, kiongozi huyo wa kimila alitoa nasaha zake kwa msafara wa viongozi wa CHADEMA waliofika kijijini hapo, wakiongozwa na Makamu Mwenyekiti wa CHADEMA, Said Issa Mohamed, ambapo Chifu Moreto alisema pia anamtakia baraka za Mungu, Torongey.

“Mimi kama kiongozi wa kimila, wote mnaogombea ni wa kwangu…yule mwenzako wa CCM naye alikuja hapa…natambua kuwa wewe ni Mmasai mwenzangu, lakini mimi kama kiongozi sina CHADEMA wala CCM, wote ninyi ni wa kwangu. Sina cha chama tawala wala upinzani. Nakutakia mafanikio mema katika uchaguzi huu.

“Ni kweli kuwa CCM imekuwa na udhaifu mwingi, ona hata hapa kwangu wanataka kupauza. Ni kwa sababu tu mimi ningali hai hapa, lakini nasema kuwa mimi kama kiongozi wa mila sina cha chama tawala wala upinzani,” alisema Chifu Moreto kupitia kwa mtafsiri wake.

CHADEMA wazungumza

Mapema akitoa nasaha za msafara wao kwa niaba ya Makamu Mwenyekiti, Mohamed, mmoja wa makamanda wa chama hicho waliofika kwa chifu huyo,  Alphonce Mawazo, alisema kuwa migogoro ya wakulima na wafugaji imekuwa ikisababishwa na uongozi mbovu, unaoweka sera zinazosababisha makundi hayo mawili kukosa haki zao za msingi.

Alisema kuwa katika maeneo mengi, wafugaji wamekuwa kama wakimbizi kwenye maeneo yao, hivyo kujikuta wakigombania ardhi ya malisho ya mifugo yao na wakulima ambao nao wanahitaji maeneo hayo kwa ajili ya kilimo.

“Baba yetu chifu…mimi natoka jamii ya wafugaji kama ninyi…ingawa sisi Usukumani tunafuga na kulima pia. Sisi watu wa jamii ya wafugaji mifugo yetu ndiyo benki yetu, mifugo yetu ndiyo M-Pesa zetu, mifugo yetu ndiyo inatupatia wake, mifugo yetu ndiyo kila kitu, sasa kwa sera za CCM, chama kilichoko madarakani sasa, wafugaji miaka michache ijayo tutakosa pa kukimbilia.

“Wakati ule wa Baba wa Taifa Mwalimu Nyerere, serikali ilijali watu wake, wafugaji tuliletewa mabwana mifugo, wakulima tuliletewa mabwana shamba, leo hakuna tena mambo hayo…badala yake sera wanazotuletea ni kupunguza mifugo, sasa wanataka kuvunja kabisa benki zetu, wachukue hata kilichobaki.

“Kabla ya sera hizi mbovu walianza kwa kupora ardhi…eti leo hii serikali yetu haiwezi kutenga maeneo kwa ajili ya wakulima na wafugaji, lakini inao uwezo wa kupora ardhi kwa ajili ya kumpatia mwekezaji aliyetoka China au Marekani maelfu ya ekari, huku watu wake wakitaabika kwa kukosa ardhi ya kilimo au kufugia, baba yetu nchi hii imekuwa ya hovyo, serikali haijali watu wake tena,” alisema Mawazo.

Naye mgombea Torongey alimshukuru kiongozi wake wa kimila kwa baraka na heri alizomtakia kwenye uchaguzi, akikubali maagizo aliyopewa ya kuwatumikia wananchi wote kwa haki, bila kuwabagua.

KASHFA NZITO TUME YA UCHAGUZI

Naibu Katibu Mkuu Chadema - Mhe. Zitto Kabwe

TUME ya Uchaguzi nchini (NEC) inadaiwa kuingia katika mchakato wa mwisho wa kuzipa zabuni ya kuandaa vifaa vya Uchaguzi Mkuu mwaka 2015 kampuni za M/S Jazzmatrix Cooperation na M/S Invu IT Solution zinazodaiwa kuwa na rekodi mbaya ya utendaji.

Tanzania Daima limedokezwa kuwa mkakati huo unahusishwa na  njama za kutaka kukibeba Chama Cha Mapinduzi (CCM) katika uchaguzi huo kwa kuchakachua matokeo ya kukibakiza madarakani.

 Kampuni hizo ambazo katika zabuni ya Tume ya Uchaguzi zimetajwa kushirikiana na Kampuni ya Kitanzania ya M/S SCI Tanzania Limited, mbali ya kutojulikana zinapotoka, pia ndizo zimekuwa na gharama kubwa kuliko kampuni nyingine zilizoomba kazi hiyo.

Kiwango ambacho kampuni hizo zilitaja na kukubaliwa na NEC kwa ajili ya kuandaa vifaa vya kielektroniki vya kusajili wapiga kura (Biometric Voters Registration) ni zaidi ya euro milioni 60, sawa na sh bilioni 126.3, wakati kampuni zinazofuata zikihitaji kuanzia euro milioni 40.

Naibu Katibu Mkuu wa Chama cha Demokrasia na Maendeleo (CHADEMA), Zitto Kabwe, ni mmoja wa viongozi waliofichua mkakati huo, akidai unafanywa na serikali ya CCM ili kuhakikisha wanajiandaa kudhibiti kila eneo ili waweze kubaki madarakani.

Alisema lengo ni kuhakikisha mchakato wa vitambulisho vya kupigia kura vya kielektroniki vina kuwa na faida kwa CCM na kukiingizia fedha chama hicho za kutumia kwenye uchaguzi huo kupitia mfumo huo dhaifu wa vitambulisho hivyo.

Zitto alisema kutokana na hali hiyo, amemwandikia Mdhibiti na Mkaguzi  Mkuu wa Serikali (CAG) barua ya kutaka ukaguzi wa zabuni hiyo ufanyike kwa kushirikisha Taasisi ya Kuzuia na Kupambana na Rushwa (Takukuru) na vyombo vingine vya usalama kwa ajili ya kujiridhisha.

“Wenzetu CCM wanafanya mikakati ya kujiandaa na Uchaguzi Mkuu wa 2015 kwa kuhakikisha wanapata fedha za kutosha na hata mazingira mabaya ya vifaa vitakavyotumika katika upigaji kura na sasa wameshaingia hata katika Tume ya Uchaguzi kwa ajili ya kutengeneza mazingira,” alisema Zitto.

Aliongeza kuwa kiasi kilichotolewa ni kodi ya Watanzania na kwamba ni vema taifa likajiridhisha kuwa matatizo yaliyotokea Kenya na Ghana hayatajirudia Tanzania, hasa wakati wa upigaji kura.

 Gazeti hili limeona barua hiyo ya Zitto kwenda kwa CAG, ya Novemba 7, 2013, yenye kichwa cha habari; ‘Zabuni ya  Biometric Voters Registration (BRV KITS) No. IE/018/2012-13/HQ/G/19 yenye thamani ya sh bilioni 126.3.’

Zitto ambaye pia ni Mbunge wa Kigoma Kaskazini anasema kuwa  NEC imekuwa katika mchakato wa zabuni tajwa hapo juu.

“Zabuni hiyo sasa imeanza kuleta malalamiko miongoni mwa wananchi kutokana na kinachosemekana kuwa kampuni iliyopewa zabuni hiyo haina uwezo kiteknolojia, pia bei zao ni kubwa.

“Katika mafunzo ya hivi karibuni ya SADCOPAC jijini Nairobi tuliazimia kuwa ni vema kwenye zabuni nyeti kama za namna hii, SAIs wawe na uwezo wa kufanya ukaguzi kabla ya zabuni kutolewa na kuanza kutekelezwa,” alisema.

UCHAGUZI MKOANI ARUSHA WAAHIRISHWA BAADA YA MLIPUKO WA BOMU

Mwk. wa NEC, Damian Lubuva

Tume ya Taifa ya Uchaguzi ya Tanzania (NEC) imeusogeza mbele uchaguzi kwenye wadi nne za Arusha kutoka tarehe 30 Juni hadi 14 Julai ili hali itulie, liliripoti gazeti la Daily News la Tanzania siku ya Jumatano (tarehe 26 Juni).

Uchaguzi huo uliahirishwa kutokana na ghasia zinazoendelea baada ya mlipuko wa bomu kwenye mkutano wa kampeni wa chama cha upinzani cha Demokrasia na Maendeleo (CHADEMA) mapema mwezi huu.

"Kwa bahati mbaya tumegundua kwamba hali bado haijakuwa sawa na inahitaji muda zaidi kuchunguzwa," alisema Mwenyekiti wa NEC, Damian Lubuva. "Tunataka watu wapige kura kwa amani ... Wapiga kura wanaweza kufanya maamuzi yasiyo busara au yatokanayo na taarifa mbaya ikiwa watapiga kura katika hali ya wasiwasi."

Lubuva aliwakumbusha wagombea na vyama kwamba uahirishaji huo haukukusudiwa kuruhusu kampeni zaidi kuendelea.

MADHARA YA PROPAGANDA CHAFU ZA UDINI UCHAGUZI MKUU MWAKA 2010

Dar es Salaam,Tanzania

Rais wa Tanzania, Ndg. Jakaya Mrisho Kikwete.

SAKATA la Video inayodaiwa kuwa ilitoboa siri ya Rais Kikwete kutinga Ikulu kwa msaada wa kura za Mwenyekiti wa Chama Cha Wananchi (CUF) Profesa Ibrahim Lipumba, imeendelea kukigawa chama hicho baada ya Naibu Katibu Mkuu Chama hicho Tanzania Bara, Julius Mtatiro kukataa kuzungumzia video hiyo, alikataa katakata na kuwashauri waandishi wawasiliane na Profesa Lipumba amabye pia aliwahi kukataa kuzungumzia video hiyo.

Itakumbukwa kuwa kumekuwepo tuhuma dhidi ya Rais Kikwete na CCM kuwa mwaka 2010 waliendesha propaganda chafu za udini zenye lengo la kuwagawa Watanzania hususan Wakristo na Waislamu kwa manufaa yao ya kisiasa.

Mwelekeo huo wa kisiasa wa Rais Kikwete na CCM unadaiwa kutokana na hatua ya viongozi wa Kanisa Katoliki nchini kupitia Idara ya Uchungaji kutoa waraka maalumu uliowataka Watanzania kuchagua viongozi waadilifu.

Waraka huo haukuifurahisha CCM, ambayo imekuwa inagubikwa na tuhuma nyingi za ufisadi. Makada na viongozi wa CCM walijaribu kuupinga kwa kuupotosha, wakisema unaingiza mambo ya dini katika siasa.

Kanisa Katoliki lina utaratibu wa muda mrefu wa kutoka nyaraka kuelekeza waamini na wananchi juu ya mambo ya msingi katika jamii.

Katika hali hiyo, Rais Kikwete na CCM wanadaiwa kukimbilia kwa viongozi wa Kiislamu na kuwaomba wawaunge mkono kwa kuwajaza maneno ya uongo, kwamba Wakatoliki walikuwa wamewaagiza waumini wao kupigia kura wagombea wa Chama cha Demokrasia na Maendeleo (CHADEMA).

Inadaiwa waliwafitinisha zaidi kwa kuwaeleza kuwa aliyekuwa mgombea kiti cha rais wa CHADEMA katika uchaguzi huo, Dk. Willibrod Slaa ambaye ameshawahi kuwa Padri, alikuwa ametumwa na Kanisa Katoliki ili kuendeleza utawala wa Kikristo nchini.

Propaganda hizo hazikuishia kwa viongozi na waumini wa Kiislamu tu, bali zilielekezwa pia kwa viongozi na wafuasi wa CUF ambao walirubuniwa na kushawishiwa kumpigia kura “Muislamu mwenzao” Rais Kikwete, huku wakiahidiwa kuwa mwaka 2015 Waislamu wa CCM nao watampigia kura mgombea wa CUF kwa hoja kuwa CCM watakuwa wamesimamisha mgombea Mkristo. Licha ya madai hayo ya udini kuwa wazi kwa muda mrefu, lakini wakati wote Rais Kikwete na CCM wamekuwa wakikanusha tuhuma hizo na kuziita kuwa uongo na uzushi.

KENYA ELECTION: UHURU KENYATTA 'WINS VOTE COUNT'

Uhuru Kenyatta: The son of Kenya's founding father Jomo Kenyatta

Kenya's Deputy Prime Minister Uhuru Kenyatta appears to have won the presidential election by the tightest of margins, provisional results indicate. After all the votes were counted he had polled 50.03% of the vote, 4,109 votes over the threshold required for outright victory.

 

But the official result will not come until 11:00 on Saturday (08:00 GMT). Rival candidate Raila Odinga is likely to file a legal challenge if he loses. One of Mr Odinga's aides told the BBC he would not concede victory and would take court action.

Mr Kenyatta won 6,173,433 votes out of a total of 12,338,667, well ahead of the prime minister, who polled 5,340,546 - or 43.28% of the vote. However, both candidates have complained of irregularities during the course of the count, since Monday's election.

 

Early on Saturday, small groups of Kenyatta supporters celebrated in Nairobi, hooting car horns and singing. 

If Mr Kenyatta is confirmed by Kenya's Independent Electoral and Boundaries Commission (IEBC), he could face difficult relations with Western countries.

Mr Kenyatta denies fuelling communal violence after the 2007 presidential vote

He faces trial at the International Criminal Court (ICC) in The Hague in July for crimes against humanity.